27 гадоў працуе сацыяльным работнікам Цэнтра сацыяльнага абслугоўвання насельніцтва Дзятлаўскага раёна Вольга Уладзіміраўны Пузач.
За амаль тры дзесяцігоддзі яе дапамогай па абслугоўванні на даму скарысталіся каля 50 пажылых людзей з вёсак Сачыўляны, Явар, Белякі Вензавецкага сельскага савета. Старанная праца Вольгі Пузач на карысць падапечных неаднаразова была адзначана заслужанымі ўзнагародамі, сярод якіх Падзячнае пісьмо старшыні Дзятлаўскага райвыканкама (2006 год), Ганаровая грамата Гродзенскага абласнога выканаўчага камітэта (2010 год), Ганаровая грамата Дзятлаўскага райвыканкама да юбілея сацыяльнай службы (2019 год). А ў 2020 годзе ў час урачыстага мерапрыемства на Дзень Незалежнасці Рэспублікі Беларусь Вольга Пузач атрымала ад старшыні Дзятлаўскага райвыканкама Андрэя Садоўскага сертыфікат аб занясенні на раённую Дошку гонару.
Падрабязней на сайце газеты “Перамога” г.Дзятлава
