У аддзяленні дзённага знаходжання для грамадзян сталага ўзросту тэрытарыяльнага цэнтра сацыяльнага абслугоўвання насельніцтва Ашмянскага раёна адбылося фальклорнае свята «Каб традыцыі жылі».
Удзельнікі мерапрыемства – атрымальнікі сацыяльных паслуг, валанцёры гімназіі №1 горада Ашмяны, спецыялісты аддзялення дзённага знаходжання для грамадзян сталага ўзросту ператварылі залу ў сапраўдную вясковую хату, дзе збіраецца на Вялікдзень сям’я.
Тэатральнае дзеянне, вобразы гасцінных гаспадароў дапамаглі прысутным звярнуцца да народнай традыцыі падрыхтоўкі і святкавання вялікоднага свята, звязанага з ім народнай культуры праз песні, гульні, танцы, прымаўкі, загадкі.
Прысутныя на фальклорных пасядзелках людзі сталага ўзросту заўважылі, што такія сустрэчы нікога не пакінулі ў роспачы. Ўсе разам адпачывалі і ўспаміналі народныя песні, гульні, забавы, зберагаючы традыцыі продкаў. Каб не растварыліся яны ў моры іншых культур і перадаваліся з пакалення ў пакаленне.
Стваралі атмасферу велікоднага настрою гаспадар і гаспадыня (у ролях – кіраўнік гуртка Ілля Сасноўскі і спецыяліст аддзялення дзённага знаходжання для грамадзян сталага ўзросту Вераніка Пашкевіч), іх суседка (у ролі – спецыяліст аддзялення Дзіяна Купрыянюк), а таксама дзеці – валанцёры гімназіі №1 горада Ашмяны, ўдзельнікі арт-студыі пад кіраўніцтвам Аляксандра Пашкоўскага.
