Работнікі філіяла ДзУ “Цэнтр сацыяльнага абслугоўвання насельніцтва Зэльвенскага раёна” разам з культработнікамі арганізавалі народнае свята, якое традыцыйна адзначаецца па ўсёй Гродзеншчыне.
Напачатку прывіталі моладзь і людзей пажылога ўзросту народнымі песнямі. Як сімвал таго, што прыйшоў час цёплай пары года ўступаць у свае правы, удзельнікі мерапрыемства запусцілі ў неба птушак. 
Блінная выстава была апетытнай. Мала таго, што людзі пажылога ўзросту стварылі цікавыя кампазіцыі, так яшчэ і бліны начынілі рознымі стравамі. Падлакаміўшыся, спаборнічалі ў конкурсах. Калі ж разгарэўся агонь, пудзіла кінулі ў вогнішча. 
Завяршылася мерапрыемства гуканнем – зазываннем вясны.
